الاخبار » قضايا و حوادث

طريق المرسى : شابان يختطفان طفلة و يتداولان على اغتصابها

2017.10.05 14:17
الأخبـــار  : طريق المرسى : شابان يختطفان طفلة و يتداولان على اغتصابها
أرابسك تونس :

تعرضت طفلة تبلغ من العمر 15 سنة الى عملية اغتصاب في منطقة طريق المرسى و بالتحديد امام المركب التجاري "كارفور" حيث قام شخص مجهول على متن سيارة باختطافها و تحويل وجهتها الى احدى الغابات القريبة اين تداول على اغتصابها رفقة صديقه.
و فيما يلي شهادة مواطن يدعى تمام العبيدي الذي كان شاهدا على حالة الفتاة التي وجدها في احد المقاهي و هي في حالة نفسية و جسدية سيئة :
مصدوم .....مقهور.....مالصباح ما نجمتش نعمل شيء....اليوم دخلت لقهوة باش نقابل حريف ....في عين زغوان ....القهوة فارغة ....فيها مولاها وزوز صناع ...وحريف ......سلمت على مولى القهوة ....تلفت على غفلة نلقى بنية تبكي بالغصّة.....بدنها الكل يتهز ويتنفض.....وجها مخلط دموع وخناين.......سالت شبيها؟...قالي هاو كل يوم نسمعو غريبة ...ما استنيتوش ....على خاطر الطفلة كيف شافتني زادت انهارت مرة اخرى .....مشيتلها .....يعيش بنتي شبيك؟....قتلي توه زوز رجال تعداو على .....وانهارت مرة اخرى.......قلت للنادل جيبلها كاس ماء......النادل قربلها وهي بدات تصيح بقوة جهدها "لا ما تقربنيش ..ما يقربلي حد"...فكيتلو كاس الماء....خزرت نلقى الدم سايل بين ساقيها ...فهمت ....ابعدو عليها من فضلكم.....قلتلها نطلب الشرطة ...قتلي ايه ...واطلبلي ماما ....بدات تعطيني الثقة على خاطر... مولى القهوة سمع كلامي وطلبهم ....بدات تحكيلي ......اللي فهمتو .....خرجت السابعة من دارهم في الكرم ....لابسة طبليتها ....ماهيش امكيجة......ماهيش مزيانة.....ما فيها شيء يثير غريزة بشر......مسكينة ظاهر عليها الفقر المدقع ....صغيرة ما تفوتش 15 سنة....كانت تمشي في الكياس .....شافت كرهبة عالية كبيرة.....بعدت شوية ....وما تفيق كان واحد هبط مالكرهبة سكرلها فمها وحطلها السكينة على رقبتها.....طلّعها في الكرهبة اعتدى عليها في الكرهبة ......تصيح تعيّط ولاخر يضرب فيها........كمل ..عمل عملتو ...بكل وحشية..مشاو بيها لغابة صغيرة تفصل بين طريق المرسى وعين زغوان .......قريب برشا ..للرمبوان الكبير ...اللي قدام كارفور......وقفت الكرهبة ....هبطها اللي كان يسوق ...دخلها للغابة ....وصاحبو المعتدي الاولاني هز الكرهبة ومشى وخلّى صاحبو راسو راسها.....عرّاها تماما.....وعرّى روحو واغتصبها....بكل وحشية.....تحكيلي وبدنها الكل يرعش....وهي مطبقة بكلها على حزامها......كرهت روحي...جات الشرطة للمقهى .....جاء شخص واحد ماهوش بالزي ....بكرهبتو الخاصة ....هو قربلها ....وهي بدات تصيح....تخزرلي تقولي... ما يقربلي حتى واحد ......عيطولي امي .....اخوتي الاولاد يقتلوني ...لا يقتلوهم......حبّلي برشا وقت باش نقنعها اللي هي في ايادي امينة .....ورّاها بطاقتو ....وبصراحة كان لطيف معاها ....فهم ..قتلو مستعد نشهد بحالة الانهيار والهيستيريا اللي شفتها. ....«خفت لا يتبدل المحضر من باعد...."برضاها".».....طلعت في الكرهبة وانا نطمن فيها ونحلفلها اللي هو شرطي.....نسيت حاجة ....وهي تحكي خزرلها الحريف متاع القهوة ...وهو يترشف في قهوتو ...قالها وانت آش مهزّك للغابة وحدك؟......ديجا هي ما وثقت فيّ كان كيف شافتني شعلت فيه ..وجيت في صفها......بعد نصف ساعة عاودت رجعت الشرطة....باش تشوف الكاميراوات متاع القهوة بلكشي صورت الكرهبة. على الاقل...واحد مالاعوان طلعت نعرفو ......حكالي برشا حكايات......يفرّغلي في قلبو.....قالي ممكن برشا نشدو المجرمين الزوز .....اما راهو بعد مدة نلقاوهم ....احرار طلقاء....مازلت باش نرجع للموضوع وباش نحكي فيه ......مرة اخرى......الخلاصة ماكنتش نعرف اللي الاغتصاب ....اشد من القتل كنت ضد حكم الاعدام .....توه وليت من انصارو .....وخاصة في الاغتصاب والمخدرات.....ردوا بالكم على اولادكم .....ردوا بالكم على بناتكم .....

الكلمات المفاتيح : اختطاف جرائم اغتصاب طريق المرسى تونس اخبار
المزيد من الأخبار
2017.10.18 15:56

حجز قطعة اثرية في احد المنازل بجهة بوحجلة

ذكرت وزارة الداخلية، الاربعاء، ان فرقة الأبحاث والتفتيش بمنطقة الحرس الوطني ببوحجلة (ولاية القيروان) حجزت امس في أحد المنازل قطعة أثرية رومانية. واوضحت الوزارة في ...

2017.10.18 14:32

باب سويقة : قدمها لاصدقائه لاغتصابها فطعنته في عضوه الذكري

القت قوات الامن الوطني في باب سويقة فتاة في العقد الثاني بعد ان قامت بالاعتداء على صديقها في اماكن حساسة من جسده انتقاما منه بعد ان وعدها بالزواج. و تعود تفاصيل ...

2017.10.18 14:10

نابل : ايقاف المدير الجهوي للتجارة من اجل قضايا فساد

تمت احالة المدير الجهوي للتجارة في ولاية نابل على القطب القاضي بتهم تتعلق بقاضايا فساد عندما كان يشتغل مدير جهوي في ولاية صفاقس. و ذكرت اذاعة "شمس اف ام" نقلا ...

2017.10.18 12:48

حريفاته اغلبهن طالبات: الاطاحة بطبيب معروف متورط في عمليات اجهاض غير قانونية

تم امس الثلاثاء اصدار بطاقة ايداع بالسجن في حق طبيب نساء و توليد معروف يعمل في مستشفى بالعاصمة بعد قيامها بعمليات اجهاض غير قانونية. و ذكر موقع "اخر خبر" ان ...

2017.10.18 12:03

في ''سرك في بير'' : زوجها عقيم .. رجل متزوج يقيم علاقة مع جارته و ينجب منها طفلان

تحدث مشارك في برنامج "سرك في بير" الذي يقدمه الاعلامي علاء الشابي على اذاعة "موزاييك اف ام" عن علاقته بجارته المتزوجة و التي انجب منها ولدان بعد اقامة ...

أخبار سريعة
سبر الأراء
هل حكومة يوسف الشاهد جادة في محاربة الفساد ؟
  • نعم
  • لا
  • لا اعرف
النتائج
الأكثر مشاهدة
كاريكاتير