الاخبار » قضايا و حوادث

طريق المرسى : شابان يختطفان طفلة و يتداولان على اغتصابها

2017.10.05 14:17
الأخبـــار  : طريق المرسى : شابان يختطفان طفلة و يتداولان على اغتصابها
أرابسك تونس :

تعرضت طفلة تبلغ من العمر 15 سنة الى عملية اغتصاب في منطقة طريق المرسى و بالتحديد امام المركب التجاري "كارفور" حيث قام شخص مجهول على متن سيارة باختطافها و تحويل وجهتها الى احدى الغابات القريبة اين تداول على اغتصابها رفقة صديقه.
و فيما يلي شهادة مواطن يدعى تمام العبيدي الذي كان شاهدا على حالة الفتاة التي وجدها في احد المقاهي و هي في حالة نفسية و جسدية سيئة :
مصدوم .....مقهور.....مالصباح ما نجمتش نعمل شيء....اليوم دخلت لقهوة باش نقابل حريف ....في عين زغوان ....القهوة فارغة ....فيها مولاها وزوز صناع ...وحريف ......سلمت على مولى القهوة ....تلفت على غفلة نلقى بنية تبكي بالغصّة.....بدنها الكل يتهز ويتنفض.....وجها مخلط دموع وخناين.......سالت شبيها؟...قالي هاو كل يوم نسمعو غريبة ...ما استنيتوش ....على خاطر الطفلة كيف شافتني زادت انهارت مرة اخرى .....مشيتلها .....يعيش بنتي شبيك؟....قتلي توه زوز رجال تعداو على .....وانهارت مرة اخرى.......قلت للنادل جيبلها كاس ماء......النادل قربلها وهي بدات تصيح بقوة جهدها "لا ما تقربنيش ..ما يقربلي حد"...فكيتلو كاس الماء....خزرت نلقى الدم سايل بين ساقيها ...فهمت ....ابعدو عليها من فضلكم.....قلتلها نطلب الشرطة ...قتلي ايه ...واطلبلي ماما ....بدات تعطيني الثقة على خاطر... مولى القهوة سمع كلامي وطلبهم ....بدات تحكيلي ......اللي فهمتو .....خرجت السابعة من دارهم في الكرم ....لابسة طبليتها ....ماهيش امكيجة......ماهيش مزيانة.....ما فيها شيء يثير غريزة بشر......مسكينة ظاهر عليها الفقر المدقع ....صغيرة ما تفوتش 15 سنة....كانت تمشي في الكياس .....شافت كرهبة عالية كبيرة.....بعدت شوية ....وما تفيق كان واحد هبط مالكرهبة سكرلها فمها وحطلها السكينة على رقبتها.....طلّعها في الكرهبة اعتدى عليها في الكرهبة ......تصيح تعيّط ولاخر يضرب فيها........كمل ..عمل عملتو ...بكل وحشية..مشاو بيها لغابة صغيرة تفصل بين طريق المرسى وعين زغوان .......قريب برشا ..للرمبوان الكبير ...اللي قدام كارفور......وقفت الكرهبة ....هبطها اللي كان يسوق ...دخلها للغابة ....وصاحبو المعتدي الاولاني هز الكرهبة ومشى وخلّى صاحبو راسو راسها.....عرّاها تماما.....وعرّى روحو واغتصبها....بكل وحشية.....تحكيلي وبدنها الكل يرعش....وهي مطبقة بكلها على حزامها......كرهت روحي...جات الشرطة للمقهى .....جاء شخص واحد ماهوش بالزي ....بكرهبتو الخاصة ....هو قربلها ....وهي بدات تصيح....تخزرلي تقولي... ما يقربلي حتى واحد ......عيطولي امي .....اخوتي الاولاد يقتلوني ...لا يقتلوهم......حبّلي برشا وقت باش نقنعها اللي هي في ايادي امينة .....ورّاها بطاقتو ....وبصراحة كان لطيف معاها ....فهم ..قتلو مستعد نشهد بحالة الانهيار والهيستيريا اللي شفتها. ....«خفت لا يتبدل المحضر من باعد...."برضاها".».....طلعت في الكرهبة وانا نطمن فيها ونحلفلها اللي هو شرطي.....نسيت حاجة ....وهي تحكي خزرلها الحريف متاع القهوة ...وهو يترشف في قهوتو ...قالها وانت آش مهزّك للغابة وحدك؟......ديجا هي ما وثقت فيّ كان كيف شافتني شعلت فيه ..وجيت في صفها......بعد نصف ساعة عاودت رجعت الشرطة....باش تشوف الكاميراوات متاع القهوة بلكشي صورت الكرهبة. على الاقل...واحد مالاعوان طلعت نعرفو ......حكالي برشا حكايات......يفرّغلي في قلبو.....قالي ممكن برشا نشدو المجرمين الزوز .....اما راهو بعد مدة نلقاوهم ....احرار طلقاء....مازلت باش نرجع للموضوع وباش نحكي فيه ......مرة اخرى......الخلاصة ماكنتش نعرف اللي الاغتصاب ....اشد من القتل كنت ضد حكم الاعدام .....توه وليت من انصارو .....وخاصة في الاغتصاب والمخدرات.....ردوا بالكم على اولادكم .....ردوا بالكم على بناتكم .....

الكلمات المفاتيح : اختطاف جرائم اغتصاب طريق المرسى تونس اخبار
المزيد من الأخبار
2017.11.21 20:45

القاء القبض على عون سجون متورط في تهريب الزطلة

تمكنت فرقة الحرس الديواني والتفتيشات بقابس من القبض على عون سجون واصلاح بسبب تهريب 14 صفيحة من القنب الهندي "الزطلة"حسب ما أفاد به مصدر أمني حيث تم حجز مادة ...

2017.11.21 16:07

سوسة : ايقاف طبيبان يعملان في مستشفى حكومي بتهمة اختلاس اموال عمومية

القت قوات الامن صباح اليوم الثلاثاء على طبيبان يعملان في احدى المستشفيات العمومية في ولاية سوسة بتهمة اختلاس اموال عمومية  التحيل على الصندوق الوطني للتأمين على ...

2017.11.21 11:00

مشارك في سرك في بير : طلقت زوجتي و ضحيت بعائلتي من اجل الزواج بزوجة خالي

تحدث مشارك في برنامج "سرك في بير" الذي يقدمه الاعلامي علاء الشابي على اذاعة "موزاييك اف ام" عن قصة حب جمعته بفتاة عندما كان في الـ23 سنة من عمره خلال مرحلة ...

2017.11.21 09:51

سوسة : مقتل لاعب في معركة بأحد الملاهي الليلية بسبب فتاة

افادت مصادر امنية ان وفاة لاعب النادي الرياضي بهرقلة حسن عباس بسبب اصاباته بجروح متفاوتة الخطورة اثر معركة امام ملهى بنزل في القنطاوزي بسوسة بسبب فتاة. و نقل موقع ...

2017.11.20 20:33

القبض على مواطن تونسي يمارس الشعوذة على السياح بجربة

تمكنت يوم امس وحدات الامن بجربة من ايقاف شخص بصدد ممارسة الشعوذة على رجلين وزوجتيهما من السياح بشقة على وجه الكراء بالمنطقة السياحية وفق ما أفاد به مصدر أمني لاذاعة ...

أخبار سريعة
سبر الأراء
خوصصة الشركات العمومية ؟
  • مع
  • ضد
النتائج
الأكثر مشاهدة
كاريكاتير