دبارة اليوم

دبارة اليوم : نواصر بالدجاج مع سلاطة مفورة و كريب بالشكلاطة للتحلية

نواصر بالدجاج

المكونات:

300غ نواصر

زوز طروف دجاج

4مغارف زيت زيتونة+ نص فنجان لعجينة النواصر

زوز ريوس بصل متوسطين

زوز مغارف طماطم معجونة

كعبة طماطم

3سنين ثوم

زوز عود قرنفل ملح، فلفل اكحل، كركم

معرفة صغيرة بسباس

فلفل زينة

كعبتين بطاطا صغار

150غ حمص

زوز قرون فلفل

 التحضير:

 أول حاجة نحطو الزيت في الطنجرة. نقصو البصل و نرميوه يتقلا، نحوطو الطماطم المعجونة و نحركو، تتقلا شوية نقوصو كعبة الطماطم على 4 و نرميوها. نزيدو الثوم و توا نحطو طروف الدجاج بعد ما نحيو الجلدة متاعهم. نخليوهم يتقلاو شوية.

 نبداو نفوحو: ملح، فلفل اكحل، كركم و بسباسو عود قرنفل.

بعد ما يتقالاو مليح مليح نصوبو زوز كيسان ماء ونحطو الفلفل الأحمر حسب الذوق.

نمشيو توا نحضرو النواصر إلّي باش نفورها، ناخذو ال300غ نواصر نبسوها بالزيت زيتونة و بعد نحوطوها في الكسكاس أول ما

المرق يهزّ الغليات و مذابينا نخليو 3دقايق و بعد نغطيوها.

نحطو الحمص يطيب في كسارونة أخرى مع الماء و شويّة خميرة .

نقشرو البطاطا و نقليوها و بعد نقليو الفلفل. نخليوها الطيب و ديما نتقفدو نيفو الماء باش المرق ما يشيحش. و كل شوية نحركو النواصر.

كي تحس النواصر بدأت توالي ترونسبارن نبداو توّا بالمرحلة الجديدة إلّي هي: ناخذو لوش مرق و نسقيو باها النواصر على نار هادئة… و قبل كل مرّة ما نسقيوها نحركوها شوية، نعاودو الفازة 3-4 مرات…. و كان في المرّة الأولى نخليوها مغطية من بعد نسقيوها و نخليوها من غير غطا….

من بعد، نقلبوها في Pyrex باش تتجمّر في الفور…

نحوطو الدجاج البطاطا، الحمص، الفلفل و نزيدوها لوش مرق…. النواصر تيتاكل سخونة.

سلاطة مفورة

المكونات:

حبات بطاطا صغيرة الحجم اومتوسطة

حبات جزر

زيتون اسود

علبة تون

2حبات بيض

جبن ابيض 

معدنوس

بصل اخضر 

جلبانة 

خل 

ملح 

زيت الزيتون

موتارد

للتزييين 

مايوناز

طريقة التحضير:

نغسل حبات البطاطا والجزر جيدا بدون تقشيرهم ثم نوضعهم في الماء+ملعقة صغيرة ملح ونحطهم يغلو بعد ما يطيبو نصفيهم من الماء ونقشرهم.

ثم نقطعهم دوائر البيض نغليه ونقطعوه دوائر نخلط معاهم قليل من البصل مقطع رقيق و ورقات معدنوس مقطع رقيق نضيف حبات 

الزيتون الاسود و علبة التون وقطع من الجبن الابيض ثم تضيفي التتبيلة بالخل وزيت الزيتون والموتارد و 

الملح وتزيني بالمايوناز.

الكريب بالشوكولاتة

مقادير كريب :

2 بيض

1.5 كوب دقيق

ملح

50 غرام شوكولا سوداء

0.5 كوب سكر محور

45 غرام زبدة مذوبة

2 كوب حليب سائل

1 ملعقة صغيره فانيلا

0.5 ملعقة صغيره كاكاو 

طريقة تحضير كريب الشوكولاتة:

1-    يخفق البيض في وعاء. يخلط الدقيق والكاكاو والملح والسكر البودرة في وعاء اخر. ينقل البيض ويخلط المزيجان بواسطة ملعقة. تذوب الشوكولاته مع الزبدة وتضاف الى المزيج. ثم يضاف الحليب والفانيلا بشكل تدريجي مع تحريك مستمر حتى يصبح المزيج ناعماً من دون اي كتل. يوضع جانباً لمدة 30 دقيقة.

2-    تسخن المقلاة وتدهن بقليل من الزبدة او الزيت لتكون طبقة دهنية على سطحها لا اكثر. يسكب المزيج في الزجاجة او في كيس للتزيين ويسكب المزيج في المقلاة ، مع تشكيل دوائر صغيرة وحلقات واشكال اخرى.

3- عندما تطبخ الكريب ( سيتسغرق طبخها 2 او 3 دقائق هلى نار متوسطة)، توضع في طبق او على ورقة شمع، كي تبرد قليلاً.