علقت المغنية الاستعراضية نجلاء التونسية عن الجدل الذي أثارته مؤخرا بسبب تأديتها لمناسك العمرة في البقاع المقدسة.
و عبرت نجلاء خلال مداخلة لها في برنامج "سكرلي البرنامج" على قناة "قرطاج+" ، عن فرحتها بذهابها الى العمرة قائلة "لا أقدر أن أصف إحساسي في بيت الله تنسى عائلتك و أولادك ، تنسى الدنيا الكل تحس روحك قدام ربي الي في قلبك الكل تقولو".
و تحدثت عن تجربتها في العمرة قائلة " احساس ياسر قوي ان شاء الله ما يتحرمش منو حتى مومن.. أول ما دخلت للحرم بساقي ليمين و كبرت لحمي قشعر... كي وصلت مسيت الكعبة دموعي هبطت وحدها.. لحظة خشوع في الكعبة تدعي و تستغفر و تطلب ربي.. كي وقفت قدام قبر الرسول صلى الله عليه وسلم لحمي قشعر و حسيت بالرهبة.. الحمد لله ربي كرمني و سهللي اعتمرت في نص شعبان و كانت عمرتي متميزة VIP و ما حسيتش روحي تعبت..الفريق الي معايا صورني مش انا شادة التلفون و نصور".
و تابعت قائلة " العباد تضحك شنية عمرة VIP في مخاخهم انتي
كبرت مرضت عملت برشا ذنوب لازمك تمشي تعتمر و تروح.. و كان ما متش تقلهم مازلت كيف عملت عمرة ادفنوني.. العريبة مخاخهم هكا.. راهي العمرة ساعتين بركا و مبعد تنجم تشوف البلاد و تحوس".
و أضافت " برشا ناس بعثولي شرهتنا على العمرة.... انا شجعت حتى على لبس الحجاب.. تنجم تكون طفلة صغيرة تلبس حجاب ولا جلباب وتطلع مزيانة.. انا على الأقل ساهمت في حاجة باهية الحمد لله يا ربي ".