اعتبر القيادي بالتيار الديمقراطي، نبيل حجي في تدوينة على حسابه بالفايسبوك، أن رئيس الجمهورية قيس سعيد خرق القانون الانتخابي (الفصلين 52 و 53) وقام بحملة انتخابية في خطابه أمس وذلك م بدعوة الناخبين للتصويت ب "نعم".
وفي ما يلي نص التدوينة كاملا : انا رايي، ما كاروش من اصلو هبط مشروع الدستور، اهوكة الايزي تعمل استفتاء بالاجابة بنعم او لا على السؤال التالي :
هل توافق على مشروع الدستور اللي باش يعملو قيس سعيد و يبدلو وقت ما يحب ؟
تو، احزاب و جمعيات و اشخاص قيدو في الايزي، و بداو في الحملة حضرو بياناتهم و معلقاتهم و مطوياتهم، يعمل هكة يبدللهم مشروع الدستور، كيفاش يعملو تو ؟
ما عندهمش الحق يبدلو موقفهم من المشروع ؟
يطيشو اللي خدموه و يعاودو ؟ اجال الحملة ما تتمددش ؟ تاريخ الاستفتاء ما يتوخرش ؟
طبعا الايزي باش تقول موش مشكل، الفايدة يتعدى اللي يحب عليه قيس سعيد.
في الاثناء، رئيس الجمهورية، يخرق القانون الانتخابي (الفصلين 52 و 53) و يعمل حملة انتخابية في خطابو ليوم بدعوة الناخبين بالتصويت ب "نعم".
بالقانون فيها 6 شهر حبس ... اما اش مدخلنا في القانون ؟
فهمتو علاش مالاول قلنا راهو مسار عبثي و لازم نقاطعوه ؟