كذبت الإعلامية بية الزردي إبنة الفنان المنصف عبلة بعدما صرحت في وسائل الإعلام بعدم تلقيهم المساعدة المادية لعلاج والدها المصاب بسرطان البروستات.
و قالت الزردي في مداخلة لها على قناة الحوار التونسي "إبنة الفنان منصف عبلة قالت انو ماجتهمش حتى مساعدة من حتى حد ومن حتى جهة الشيء هذا موش صحيح وعلاش موش صحيح على خاطر البارح حسام الزيدان هو كاتب العام نقابة المهن الموسيقية الي تابعة للاتحاد التونسي للشغل وعضو لجنة المنح الظريفة برشا ناس ماسمعوش بيها هذه النقابة والي تخدم في خدمة جبارة بالسكات قال حسام الي وصل لعائلة منصف عبلة 5 الاف دينار إعانة و الي هو مع التواصل معاهم وعطاهم تحت إشراف وزارة الثقافة زادة منحة والي منصف عبلة ياخذ في الشهر تقريب 300 دينار''.
و اضافت قائلة " يبدو ان حكاية منصف عبلة فمة سر فمة حكاية ان شاء الله نهار السبت تو تعرفو تفاصيلها مع هادي زعيم... وخسارة كبيرة ياسر لو كان منصف عبلة يطلع عمل سيناريو محبوك باش يوهم ويتحيل على الناس الي هو مريض... في الحقيقة الناس هذوما الكل على بكرة أبيهم انا من رأي يلزم التوانسة تعاقبهم... هذايا تحيل و هذايا كذب والنفاق على التوانسة حبتكم وعطاتكم الثقة وبكيتو العباد و وهمتوهم... موش من حقكم.. وعلى الدنيا السلام ".