وطنية

ألفة يوسف للغنوشي : ماللي رينا وجوهكم ما رينا خير

 علقت الكاتبة والأستاذة الجامعية ألفة يوسف عن تصريح رئيس مجلس نواب الشعب راشد الغنوشي أنهم يواجهون خطر عدم خلاص الموظفين وتوقف خدمات الكهرباء و الغاز.

و كتبت الفة يوسف تدوينة عبر صفحتها بموقع التواصل الاجتماعي "الغنوشي قال لكم ثقافة الإقصاء سينتج عنها عدم خلاص الموظفين وعدم الحصول على الماء والكهرباء...
لا، ما تقول ها الكلام يا "شيخ"؟ كانك على ثقافة إقصاء الإرهاب والإرهابيين وخونة الوطن ، الساعة نتيجتها ممتازة قبل 2011...بالأمارة، الشهاري موش كانوا منتظمين اكهو ، كانوا كل عام يزيدو، والماء والضوء كنا ناخذو فيهم بربع سوم تو، والبلاد كانت في خير...
الله يرحم رجال ونساء تونس...اما انتوما واذيالكم من حقوقيي ومعارضي الطابور الخامس اللي صابهم البكش فجأة، ماللي رينا وجوهكم ما رينا خير...
بجاه ليلة الجمعة المباركة، ان شاء الله ما يوفى العام الا ما تونس ترتاح من وجوهكم...
قولوا آمين...
ووقتها تو يرجع الماء والضوء والشهاري والامان والتشغيل والأمل في المستقبل بطبيعتهم".