دجاجة محشية
المقادير
1 دجاجة صحيحة ومنحي منها العظم
1 - ملح
1/2 - فلفل أكحل
1 - كمون
1/4 - تابل
1 - فلفل أحمر حار
1 ملعقة قهوة كركم
7 ملعقة طعام زيت زيتونة
1 ملعقة طعام طماطم مقصوصة طرنشات
1 قرن فلفل مقصوص طرنشات
1 حبة بصل مقصوص طرنشات
1 حبة بصل مقصوص جويد
1/2 حبة قارص معصورة
2.5 كوبات روز
1 قرن فلفل مقصوص جويد
1/4 ملعقة قهوة قرفة
10 أعواد قرنفل
3/4 كوب ماء
2 حبة ثوم مهرسين
طريقة التحضير
1 - فوّح الدجاجة بالكركم + فلفل أكحل + رشة ملح + عصير القارص + زيت وخلّيها على جنب
2 - قلّي في طنجرة: زيت + بصل جويّد + ثوم + فلفل جويّد لمدة 5 دقائق
3 - زيد في الطنجرة نص كوب روز + التوابل وقلب المكونات مليح
4 - زيد الماء في الطنجرة وخلي الروز يطيب نص طياب وخلّي الطنجرة تبرد
5 - عبّي الدجاجة بالحشو وحطها في طبق الفور
6 - حطّ في الداير متاع الدجاجة الخضرة المقصوصة طرنشات: بصل + طماطم + فلفل
7 - غطّي الطبق بورق الألمنيوم وخليه في الفور مدّة ساعة
8 - نحيّ ورق الألمنيوم وعاود دخل الطبق للفور لين تحمار الدجاجة
9 - غلّي في طنجرة: قرفة + طابع مرقة دجاج + ماء + رشة ملح + رشة فلفل أكحل
10 - قلّي زيت + شوية بصل مقصوص
11 - أرمي الروز في الماء ومن بعد صفيه
12 - حط مع الروز عود قرنفل + بصل مقلي في الزيت
13 - خلي الروز يتفور على الماء إلّي صفيتو مدة 10 دقائق لين يطيب
سلاطة مقرونة
المقادير
1/2 كعبة كعبة قارص
50 غرام موزاريلا مقصوصة طرنشات
500 غرام مقرونة ملونة
50 غرام تنّ
50 غرام طماطم سوريز مقصوصة
1 فنجان زيت زيتونة
1 رشة ملح
1 مغرفة صغيرة فلفل أكحل
50 غرام زيتون أكحل مقصوص
1 حكّة مايوناز
1 مغرفة كبيرة نعناع شايح
50 غرام زيتون أخضر مقصوص
50 غرام فلفل برلعبيد مقصوص
طريقة التحضير
1 - خلّط في صحفة: مايوناز + فلفل أكحل + ملح + نعناع + زيت + قارص
2 - أصمط المقرونة وصفيها
3 - زيد فوق المقرونة: زيتون مقصوص + موزاريلا + فلفل برلعبيد + تنّ
4 - حركهم مليح وزيد فوقهم الخليط إلّي حضرتو
5 - حطّ الصحفة في الفريجيدار مدّة 30 دقيقة
براونيز
المقادير
150 غرام سكر
150 غرام فرينة
100 غرام زبدة
50 غرام زيت الجوز
1 ملعقة قهوة فانيليا
200 غرام شوكولاتة السوداء
- - ملح
100 غرام جوز
طريقة التحضير
1 - نقطع الشوكولاتة إلى قطع ونضعها في وعاء كبير ونضعها في الميكروويف مع زبدة مقطّعة إلى قطع، نتركها تذوب ثم نقوم بإضافة الزيت ونقوم بخفقها .
2 - في وعاء آخر ،نخفق البيض والسكر والفانيليا حتى يصبح لديك خليط متجانس ثم نضيفه إلى خليط الشوكولاتة.
3 - نضيف الملح والفرينة ونقوم بمزجها، يجب أن تكون متجانسة
4 - نضيف الملح والفرينة ونقوم بمزجهم مع بقية المكونات، نضيف الفواكه الجافة بعد تقطيعها، نمزج المكونات جيداً
5 - نفرش ورق الطهو في الطبق ونسكب الخليط
6 - نخبز البراونيز لمدة 25 دقيقة في فرن محمّى على حرارة 180 درجة مئوية
